Kanadadan Castin Trüdo (“Kanada baş naziri” yazmır – red.) mənə zəng edərək tariflərlə bağlı nə edilə biləcəyini soruşdu. Ona dedim ki, Kanada-Meksika sərhədindən keçən fentanildən çox adam öldü və heç nə məni onun dayandığına inandırmadı. Dedi ki, indi daha yaxşıdır, amma mən cavab verdim: “Bu, kifayət deyil”. Söhbət müəyyən mərhələlərdə mehribanlıqla bitdi! O, mənə Kanadada seçkilərin nə vaxt olacağını deyə bilmədi, bu da məndə maraq oyatdı ki, burada nə baş verir? Onda anladım ki, o, bu problemdən hakimiyyətdə qalmaq üçün istifadə etməyə çalışır. Uğurlar, Castin!

Axar.az xəbər verir ki, bu sözləri ABŞ Prezidenti Donald Tramp Kanada Baş naziri Castin Trüdonun tariflərlə bağı zəngi haqda sosial şəbəkə hesabında yazıb.

Qeyd edək ki, Tramp Kanada və Meksikadan idxala 25% rüsum tətbiq edib. Trüdo bu qərarı axmaqlıq və ABŞ-ın ölkəyə ticarət müharibəsi elan etməsi kimi qiymətləndirərək, cavab veriləcəyini bildirib.