Ciddə danışıqlarından sonra Ukrayna-Amerika bəyanatında deyildiyi kimi, Ukrayna 30 gün ərzində cəbhə xətti boyunca atəşi dayandıracaq, yalnız Rusiya da buna razı olarsa.

Axar.az xəbər verir ki, bu sözləri Ukrayna lideri Vladimir Zelenski Teleqram kanalında atəşkəslə bağlı qeyd edib.

“Bugünkü danışıqlarda Amerika tərəfdən ilk addımı dərhal atmaq və təkcə Qara dənizdə deyil, həm də raket, pilotsuz uçuş aparatları da daxil olmaqla, bütün cəbhə xətti boyunca 30 gün ərzində tam atəşkəs yaratmağa çalışmaq təklifi səslənib. Biz belə bir addım atmağa hazırıq və ABŞ Rusiyanı buna razı salmalıdır. Yəni biz razıyıq və əgər ruslar razılaşarsa, o zaman sükut başlayacaq”, - o vurğulayıb.

Qeyd edək ki, bu gün Ciddədə baş tutan görüşdə Ukrayna ABŞ-ın cəbhədə bir aylıq dərhal atəşkəs təklifini qəbul edib.