Böyük Britaniya hökuməti martın 18-də Donald Tramp və Vladimir Putin arasında telefon danışığından sonra Ukrayna üçün ədalətli və davamlı sülhə ehtiyac olduğunu qeyd edib.

Axar.az “Skay Nyus”a istinadən xəbər verir ki, bunu Britaniya hökumətinin nümayəndəsi deyib.

“Britaniya hökuməti Prezident Trampın Putinlə apardığı telefon danışığından sonra atəşkəs istiqamətində əldə edilən irəliləyişi alqışlayır. London eyni zamanda təkid edir ki, gələcək danışıqlar Ukrayna üçün ədalətli və davamlı sülhə gətirib çıxarmalıdır. Ukraynanın bir daha Rusiyanın qanunsuz işğalına məruz qalmaması üçün lazım olduğu qədər dəstəkləyəcəyik”, - o qeyd edib.

Xatırladaq ki, Tramp və Putin arasında telefon danışığı ötən gün baş tutub.