AB ilə münasibətlərdə problemlər ciddidir, ünsiyyət məhduddur və bütün sərt qərarlar Avropa rəsmiləri tərəfindən qəbul edilir.

Axar.az xəbər verir ki, bunu Gürcüstanın Baş naziri İrakli Kobaxidze deyib.

"Ölkəmizə ədalətlə yanaşılsa, biz dialoqa tam açığıq", - o bildirib.

Baş nazir AB-nin Gürcüstandakı səfirini ölkənin daxili işlərinə qarışmaqda ittiham edib:

“Buna baxmayaraq, xarici işlər naziri Maka Boçorişvili diplomatla dialoq qurmağa cəhd edib”.

Kobaxidzenin sözlərinə görə, Gürcüstan AB ilə imzalanmış assosiativ saziş üzrə öhdəliklərini yerinə yetirməkdə davam edir:

"Lakin Mərkəzi Seçki Komissiyasından güzəşt kimi tələblər qəbuledilməzdir. Biz seçki sistemini radikal müxalifətə verməyəcəyik, amma islahatlar davam edəcək".