Daxili İşlər Nazirliyindən 3 həftə ərzində Rusiya-Ukrayna arasında atəşkəs razılaşması üçün təkliflər hazırlamasını istədik. Bu təkliflər yekun qərardan sonra ABŞ-a da təqdim olunacaq.

Axar.az xəbər verir ki, bu sözləri Fransa Prezidenti Emmanuel Makron Ukrayna ilə bağlı keçirilən koalisiyanın toplantısında deyib.

O, bir neçə ölkənin iştirakı ilə Ukraynaya dəstək gücünün formalaşdırılması mövzusunda müzakirələr aparılacağını bildirib:

“Bunun olub-olmayacağına Rusiya qərar verə bilməz. Dəstək gücü hava, dəniz və quruda fəaliyyət göstərəcək və daha geniş təhlükəsizlik paketinin tərkib hissəsi olacaq. Bu dəstək qüvvələri sülh gücü olmayacaq, yaxud təmas xəttində fəaliyyət göstərməyəcək. Rusiyanın 230 milyard avroluq dondurulmuş vəsaitləri sülh razılaşmasının bir hissəsi olaraq Ukraynanın yenidən inşası üçün istifadə edilə bilər. Avropa ABŞ-ın yanımızda olmaması ehtimalına hazırlıqlı olmalıdır. ABŞ etibarlı müttəfiqimizdir. Ümid edirik, aktiv şəkildə yanımızda olacaq, amma digər vəziyyətə də hazırlıqlı olmalıyıq. Qarşıdakı saatlarda ABŞ Prezidenti Trampla danışacağam”.