26 mart tarixində Almaniyadan havalanan C-130 təyyarəsi Ruminayaya enib. 27 mart tarixində isə Ruminiyadan Tiflisə gəlib.

Axar.az xəbər verir ki, bu barədə GSSR44 Teleqram kanalı məlumat yayıb.

Bildirilib ki, Tiflisdən qalxan C-130 Ermənistan hava məkanına daxil olub. Təyyarənin hansı səbəbdən Ermənistan hava məkanına daxil olduğu bilinmir. Məlumatlara əsasən, təyyarə 2 saatdan çox Ermənistan hava məkanında olub. İrəvan yaxınlığında isə radarlardan itib. Təyyarənin İrəvana enməsi də ehtimallar arasındadır.

Qeyd edək ki, ABŞ-ın Almaniyadakı bazadan təlim üçün Ermənistana onlarla hərbi texnika daşıyacağı haqda məlumat yayılmışdı.