Rusiyanın qoşunlarının Sum, Xarkov və Zaporojye vilayətlərinə yeni hücumunun real olduğu barədə ciddi əsaslar var.

Axar.az xəbər verir ki, bu barədə "RBK-Ukrayna" portalına açıqlamasında Ukrayna Silahlı Qüvvələrinin Quru Qoşunları Ehtiyat Şurasının sədri İvan Timoçko bildirib.

O, Rusiya və Belarusla bütün sərhədlərin Ukrayna üçün potensial təhlükə zonası olduğunu xatırladıb.

Timoçko hesab edir ki, rusların Ukrayna Müdafiə Qüvvələrini tamamilə sıxışdırmağa kifayət edəcək qüvvəsi yoxdur:

"Əgər ruslar Kurskdakı qoşunların sayını azaltsalar, bu, çox güman ki, onların ərazilərinə yeni bir hücumun başlanmasına səbəb olacaq. Üstəlik, indi görürük ki, Belqorod vilayəti sərhədi boyunca vəziyyət getdikcə gərginləşir. Buna görə də ruslar bu qoşunları başqa yerə köçürməyəcəklər”.

Eyni zamanda, o qeyd edib ki, ruslar gizli səfərbərlik aparır və şəxsi heyətin hazırlanmasını həyata keçirir. Bundan əlavə, Rusiya Şimali Koreyadan əlavə qüvvələr əldə edə bilər.