ABŞ Prezidenti Donald Tramp həqiqətən də hesab edir ki, Rusiya ilə birlikdə çox yaxşı işlər görə bilərlər və ona Rusiya lazımdır. Ukrayna isə ona lazım deyil, sadəcə olaraq onun dünyagörüşü belədir.

Axar.az xəbər verir ki, bu sözləri keçmiş xarici işlər naziri Dmitri Kuleba deyib.

"Ona gəlib deyirlər ki, orada hər şey o qədər də birmənalı deyil, Ukrayna da günahkardır. Və bu fikir onun ağlına batır – bəli, Ukrayna da günahkardır, gəlin bu mövzunu qabardaq. Trampın mediada fəal olan ətrafının bizim prorusiya hesab etdiyimiz narrativləri yayması və Trampın seçicilərinin bunu sosial şəbəkələrdə həvəslə dəstəkləməsi faktdır. Amma düşünmürəm ki, Tramp bunu agent olduğu üçün edir və tapşırıq yerinə yetirir. O, sadəcə olaraq fərqli dünyagörüşünə səmimi şəkildə inanır. Biz sizinlə bir reallığa inanırıq, o isə başqasına", - o bildirib.

Kulebanın sözlərinə görə, Putin və ya Si Szinpin kimi insanlar Trampda dərin hörmət hissi və onlarla böyük işlər görmək istəyi yaradır.