Rusiya Prezidenti Vladimir Putin “Balcuq Kapital”ın sahibləri Vardan və David Amaryan qardaşlarına Amerikanın “Goldman Sachs” bank qrupunun “Qazprom”, “Rosneft” və digər Rusiya şirkətlərinin səhmlərini almağa icazə verib.

Axar.az xəbər verir ki, bu barədə Rusiya mediası məlumat yayıb.

Siyahıda həmçinin İnter RAO UES, “Novatek”, “Surqutnefteqaz”, “Tatneft”, “Lukoyl”, NLMK və “Rostelekom”un səhmləri var.

Göstərilən əməliyyatları həyata keçirmək üçün şirkət Rusiya qanunvericiliyinə uyğun olaraq əlavə icazə tələb etməyəcək.

Qeyd edək ki, “Balcuq Kapital”ın baş qərargahı İrəvanda yerləşir. Fondun 2 milyard dollar aktivi var.

David Amaryan əvvəllər bir neçə il Ruben Vardanyanın təsis etdiyi “Troyka Dialoq” investisiya şirkətində işləyib.