ABŞ Prezidenti Donald Trampın administrasiyasında hökumətin effektivliyinin artırılması üzrə quruma rəhbərlik edən İlon Mask Ukrayna münaqişəsində “mənasız ölümlərə” son qoyulmasının vacibliyini vurğulayıb.

Axar.az xəbər verir ki, bu fikirləri Mask İtaliyanın hakim partiyalarından biri olan “Liqa”nın konqresində çıxışı zamanı səsləndirib.

“Müharibələrə şərait yaradan, onları sonsuzadək davam etdirən insanlara hörmət etmirəm. Bu, pisdir. Biz sonsuzadək gəncləri mənasız yerə ölümə göndərə bilmərik. Bu, qəddarlıqdır, qeyri-insanidir və mənasızdır. Uğura aparan plan lazımdır. Prezident Tramp haqlıdır: biz sülhə nail olmalıyıq. Qətllərə son qoymağın vaxtıdır, bu mənasız ölüm maşını dayandırılmalıdır.

Ruslar və ukraynalılar səngərlərdə bir-birini niyə öldürməlidir? Daha nə qədər davam edəcək? Buna son qoymaq lazımdır,” – deyə Mask qeyd edib.