Əgər dialoq hörmətlə aparılarsa, Omandakı dolayı danışıqları davam etdirəcəyik.

Axar.az xəbər verir ki, bunu İran hökumətinin sözçüsü Fatimə Mühacirani mətbuat konfransında deyib.

“Danışıqların aparılmasında meyarımız milli maraqlardır, ancaq danışıqların hələ başlamadığına görə təfərrüat bəlli deyil. Bununla belə, danışıq aparan tərəf olaraq bizim üçün vacib olan bərabərhüquqluluq, milli maraqların nəzərə alınması və xalqın şəraitinin yaxşılaşdırılmasıdır. Buna görə də biz məntiqli danışıqları gündəmdə saxlayacayıq”, - o əlavə edib.

Qeyd edək ki, ötən gün ABŞ Prezidenti Donald Tramp birbaşa danışıqların artıq başladığını və 12 apreldə davam edəcəyini deyib. İran Omanda keçiriləcək görüşü təsdiqləsə də, danışıqların “birbaşa olmadığını” bəyan edib.