“Real Madrid”in sabiq baş məşqçisi Leo Beenhakker 82 yaşında dünyasını dəyişib.

Axar.az xəbər verir ki, “kral klubu” onun vəfatı ilə bağlı başsağlığı verib.

“Real Madrid” futbol klubu, onun prezidenti və İdarə Heyəti 1986-1989-cu illərdə və 1992-ci ildə komandamıza rəhbərlik etmiş “Real Madrid”in tarixi məşqçisi Leo Beenhakkerin vəfatından dərin təəssüf hissi keçirir”, – klubun saytında yer alan bəyanatda deyilir.

Beenhakkerin rəhbərliyi altında “Real Madrid” üç dəfə İspaniya çempionu olub, bir dəfə İspaniya kubokunu və iki dəfə İspaniya Superkubokunu qazanıb. Niderlandlı mütəxəssis İspaniya nəhəngindən başqa, “Ayaks”, “Feyenoord”, “Vitesse” və digər komandalara da rəhbərlik edib.