Livanın və onun vətəndaşlarının müdafiəsini yalnız güclü suveren dövlət və milli ordu təmin edə bilər.

Axar.az xəbər verir ki, bunu Livan Prezidenti Cozef Aun deyib.

"Biz yarım əsr əvvəl baş vermiş faciədən öyrənməliyik ki, zorakılıq və nifrət heç bir problemi həll etməyəcək və yalnız güclü dövlət və onun institutları Livanın təhlükəsizliyini təmin edə bilər. Həmçinin yadda saxlamalıyıq ki, hər dəfə Livandan kənarda dəstək axtaranda özünə qarşı çevrilib, itkilər və dağıntılar gətirir. İndi bütün siyasi partiyalar razılaşıb ki, silahlar müstəsna olaraq ordu və təhlükəsizlik qüvvələrinin əlində olmalıdır. Biz deyirik ki, dialoq bütün daxili və struktur problemləri həll etməyin yeganə yoludur. Livanı qorumaq üçün bu mövqedən çıxış etməyin vaxtı çatıb”, - Aun bildirib.