ABŞ Prezidentinin xüsusi nümayəndəsi Stiven Uitkoffla Rusiya nümayəndələri arasında növbəti görüş keçirilə bilər.

Axar.az xəbər verir ki, bu barədə CNN telekanalı mənbəyə istinadən məlumat yayıb.

“Parisdə keçirilən görüşdə ABŞ avropalılara və ukraynalılara Ukraynada atəşkəslə bağlı təkliflər verib. ABŞ gələn həftə Londonda avropalılar və ukraynalılarla çərçivə sazişinin elementlərini yekunlaşdırmağı planlaşdırır.

Bu barədə ABŞ Dövlət katibi Marko Rubio Rusiyanın xarici işlər naziri Sergey Lavrovu məlumatlandırıb.

Tramp administrasiyası eyni vaxtda Moskvanı çərçivə sazişinə qoşulmağa inandırmaq üçün Stiven Uitkoffla ruslar arasında növbəti görüş planlaşdırır”, - məlumatda qeyd edilib.