2025.04.28. 16:15

İspaniya və Portuqaliyada genişmiqyaslı elektrik enerjisi kəsintisi qeydə alınıb.

Axar.az xəbər verir ki, bu barədə “Politiko” məlumat yayıb.

İspaniyanın böyük şəhərlərində - Madrid, Barselona, Sevilyada, eyni zamanda, Portuqaliyanın Lissabon və Portu şəhərlərində kritik infrastruktur fəaliyyətini dayandırıb.

İşıqforların işləməməsi ciddi tıxaclara səbəb olub, qatarlar dayanıb, hava limanları və metro fəaliyyətini tamamilə dayandırıb.

Madriddəki Barajas hava limanı hələ də işıqsızdır.

Fransa və Belçikanın bəzi bölgələrində elektrik enerjisi kəsintisi baş verib.

***

Elektrik enerjisinin kəsilməsi fonunda İspaniyada fövqəladə vəziyyət elan edilib.

Bu barədə İspaniya Daxili İşlər Nazirliyi məlumat yayıb.

***

İspaniyada elektrik enerjisi təchizatının təxminən 50%-i böyük fasilədən sonra bərpa olunub.

Bu barədə İspaniyanın Baş naziri Pedro Sançes deyib.

“Hazırda operatorun məlumatına görə, enerji təchizatının demək olar ki, 50%-i bərpa olunub”, - deyə bildirilib.