İsrailin “El Al”, Vyetnamın “Vietnam Airlines” və Türkmənistanın “Turkmenistan Airlines” aviaşirkətləri may ayından Moskvaya uçuşları bərpa edəcək.

Axar.az xəbər verir ki, bu barədə TASS məlumat yayıb.

“İsrailin “El Al” aviaşirkəti mayın 1-dən Təl-Əviv və Moskva arasında müntəzəm birbaşa uçuşları bərpa edəcək. Bu qərar mövcud vəziyyətin qiymətləndirilməsi və uçuşların təhlükəsizliyinin təmin edilməsi üçün ölkə rəhbərliyi ilə aparılan müzakirələrdən sonra qəbul edilib. “Turkmenistan Airlines” mayın 2-dən etibarən Aşqabad-Moskva və əks marşrut üzrə müntəzəm reysləri bərpa edəcək. Vyetnamın milli aviadaşıyıcısı “Vietnam Airlines” üç illik fasilədən sonra mayın 8-də Moskvaya birbaşa uçuşların bərpa olunacağını elan edib”, - məlumatda qeyd olunub.