ABŞ-da Prezident Donald Trampa yaxın media qurumlarının verdiyi məlumata görə, Yaxın Şərqin şimalında Türkiyənin rəhbərliyi ilə yeni bir blok formalaşır və bu blok getdikcə güc əldə edir. İsrail isə əsas diqqəti ticarət imkanlarına yönəlmiş bu bloku “düşmən” kimi qiymətləndirir.

Axar.az xəbər verir ki, bu sözləri türkiyəli siyasi ekspert Əmrə Öztürk deyib.

Öztürk bildirib ki, ABŞ Konqresində isə Çinin 2026-cı ilə qədər Yaxın Şərqdə ən böyük xarici aktora çevrilmək planı narahatlıq doğurur və bu, Vaşinqtonda panikaya səbəb olub:

“National Interest” nəşrində yer alan analizə görə, Suriya rejiminin zəifləməsi, HƏMAS və Hizbullahın zərbə alması, Rusiyanın geri çəkilməsi fonunda bölgədə güc balansı Türkiyənin xeyrinə dəyişir.

Ankaranın qeyri-rəsmi liderliyində yeni bir blok formalaşır. Diplomatik və ticarət əməkdaşlığı əsaslı bu blok İranın zəifləyən şiə koalisiyasının yerini alır. Çin bölgədə ABŞ və Rusiyanı sıxışdırır, ABŞ isə təklənmə riski ilə üzləşir. Donald Tramp bu prosesi müsbət qiymətləndirərkən, İsrail narahatdır”.