İran ABŞ sərmayəsi ilə uranın zənginləşdirilməsi üçün Yaxın Şərq ölkələrindən ibarət konsorsium yaratmağı təklif edib.

Axar.az xəbər verir ki, bu barədə “Nyu York Tayms” məlumat yayıb.

Məlumata görə, bazar günü Omanda İranın xarici işlər naziri Abbas Arakçı bu planı ABŞ prezidentinin xüsusi nümayəndəsi Stiven Uitkoffa təqdim edib:

“İran bu təşəbbüsü Vaşinqtonun nüvə proqramından tamamilə imtina tələbinə alternativ kimi görür. Konsorsiumun mümkün iştirakçıları kimi Səudiyyə Ərəbistanı və Birləşmiş Ərəb Əmirliklərinin adı çəkilir. İranın təklifinə üçtərəfli nüvə konsorsiumunun yaradılması və Tehranın uranı 3,67%-ə qədər zənginləşdirməsi, mülki məqsədlər üçün digər ərəb ölkələrinə tədarük etmək imkanları daxildir”.