Avropa Rusiya məhsullarına qoyduğu böyük rüsumlara görə daha yüksək qiymətə və daha keyfiyyətsiz gübrə alacaq.

Axar.az xəbər verir ki, bunu Kremlin sözçüsü Dmitri Peskov deyib.

“Nəticədə AB azot gübrələrini daha yüksək qiymətə və daha keyfiyyətsiz alacaq, çünki bizim gübrələrimiz, o cümlədən azot gübrələri ən keyfiyyətlidir. Dünyada azot gübrələrinə tələbat digər istiqamətlərdə də eyni dərəcədə yüksəkdir, ona görə də başqa istiqamətlər üzrə bazarlar Avropa rüsumlarını kompensasiya edəcək. Avropalılar həmişəki kimi öz ayağına güllə sıxmağa davam edəcəklər”, - Peskov bildirib.

Qeyd edək ki, Avropa Parlamentinin deputatları Avropa Komissiyasının Rusiyadan bütün kənd təsərrüfatı məhsulları idxalına rüsumların tətbiqi təklifini təsdiqləyib.