Silahların Ukrayna münaqişəsi zonasına düşə biləcəyinə dair şübhə yaranarsa, müqavilələrin icra edilməməsinə göstəriş verəcəm.

Axar.az xəbər verir ki, bunu Serbiya Prezidenti Aleksandr Vuçiç deyib.

"İstənilən halda əmr və xəbərdarlıq edəcəyəm: harada şübhə və ya sui-istifadə olarsa. Biz bunu bilməliyik və bu cür müqavilələrin yerinə yetirilməməsini təmin etməliyik”, - prezident vurğulayıb.

O, bu məsələni Rusiya Prezidenti Vladimir Putinlə də müzakirə etdiyini bildirib.

Onun sözlərinə görə, Serbiya silahlarının Afrika vasitəsilə Ukraynaya çatdırıla biləcəyinə dair heç bir təsdiq yoxdur.

Qeyd edək ki, Rusiya Xarici Kəşfiyyat Xidməti Serbiya müdafiə müəssisələrinin Belqradın bəyan etdiyi neytrallıqdan fərqli olaraq, Kiyevi sursatla təmin etməkdə davam etdiyini bildirib.