Əxlaqsız və murdar həyat tərzi sürən, bunu isə ruhanilərin libası ilə ört-basdır edən bütün keşişlərin maskaları cırılacaq.

Axar.az xəbər verir ki, bunu Ermənistan parlamentində hakim fraksiyanın katibi Artur Ovannisyan bəyan edib.

Deputat Ermənistan Baş naziri Nikol Paşinyanın Ermənistan Apostol Kilsəsinin din xadimlərinə qarşı təhqiramiz ritorikasını dəstəkləyib.

Ruhanilər barədə bu cür məlumatların hakimiyyətin əlində haradan olduğu ilə bağlı sualı cavablandıran Ovannisyan bildirib ki, maskaların cırılacağı vaxt çatanda həmin məlumatlar ictimaiyyətə açıqlanacaq.

Qeyd edək ki, son günlər Ermənistan baş naziri ilə kilsə nümayəndələri arasında ciddi qarşıdurma yaşanır. Paşinyan sosial şəbəkə hesabında bəzi din xadimlərinin kəbinsiz yaşadığını, hətta yaxın qohumları ilə gizli münasibətlər qurduğunu iddia edib.