2023-cü ilin dekabrında Türkiyədə saxlanılaraq İrana təhvil verilən məşhur reper Əmir Hüseyn Məqsudlu (Tətəlu) intihara cəhd edib.

Axar.az xəbər verir ki, bu barədə onun bacısı özünün sosial media hesabında paylaşım edib.

Məlumata görə, mayın 29-da həyatına qəsd edən reper Tehran xəstəxanalarından birinə köçürülüb.

İran mediası reperin həyatına təhlükə olmadığını və yenidən həbsxanaya qaytarılacağını yazıb.

Bildirilib ki, Əmir Hüseyn Məqsudlu (Tətəlu) həbsxanada qeyri-müəyyən vəziyyətdə saxlanılmasına etiraz olaraq intihara əl atıb.

Qeyd edək ki, Məqsudlu "əxlaqsızlığı və fahişəliyi təşviq etməkdə" və "peyğəmbəri və islam müqəddəslərini təhqir etmək"də günahlandırılaraq barəsində edam hökmü çıxarılıb.

Edam hökmü sonradan 10 il həbs cəzası ilə dəyişdirilsə də, İran məhkəməsi son qərarı ləğv edib, edam hökmünün qüvvədə saxlanılması barədə yenidən məsələ qaldırıb.