Uranın zənginləşdirilməsindən imtina İranın nüvə sənayesini yararsız hala salacaq və ölkəni digər dövlətlərdən asılı vəziyyətə qoyacaq.

Axar.az xəbər verir ki, bunu İranın ali dini lideri Əli Xamenei deyib.

“Uran zənginləşdirmə qabiliyyəti olmadan nüvə sənayesi faydasızdır, çünki belə olan halda atom elektrik stansiyalarının tikintisi üçün əlimizi büküb dayanmalı olacağıq”, - o bildirib.

Xamenei qeyd edib ki, nüvə sənayesi İrana digər, o cümlədən əczaçılıq sahəsində də mühüm nəticələr əldə etməyə imkan verir:

“ABŞ və digər ölkələr İranın tərəqqisində maraqlı olmadığı üçün ölkəmizə uranın zənginləşdirilməsinin tamamilə dayandırılmasını nəzərdə tutan şərtlər irəli sürür. Omanın vasitəçiliyi ilə aparılan danışıqlarda Vaşinqtonun bütün təklifləri İranın prinsiplərinə ziddir”.