15:11

Yəmənin Əl-Bayda əyalətində naməlum şəxs məscidə qumbara atıb.

Axar.az xəbər verir ki, bu barədə “Mareb Press” məlumat yayıb.

Məlumata görə, hadisə iyunun 7-də məsciddə namaz vaxtı baş verib. Naməlum şəxs məscidə daxil olaraq qumbara atıb, ardınca isə avtomat silahdan atəş açıb.

Ölən və yaralananlarla bağlı məlumat verilməyib.

***

Məscidə qumbara atılması nəticəsində 9 nəfər ölüb, 12 nəfər yaralanıb.

Hadisə iyunun 7-də dindarların axşam namazı üçün toplaşdığı Karn əl-Əsəd kəndində baş verib.

Hücum edən şəxsin psixi pozğunluqdan əziyyət çəkdiyi bildirilir.

Cinayətkarın hücumdan təxminən saat yarım sonra saxlanıldığı qeyd edilir.

Qurbanlardan biri 12 yaşlı uşaq olub.