Qərbin, xüsusilə ABŞ-ın Ukraynaya hərbi yardımı əsas məsələ olaraq qalır.

Axar.az xəbər verir ki, bu barədə ABŞ-ın Müharibənin Öyrənilməsi İnstitutunun hesabatında qeyd olunub.

Hesabatda bildirilib ki, ABŞ-ın Ukraynaya hərbi yardımını kəsməsi nə davamlı sülhə gətirib çıxaracaq, nə də Putinin qələbə nəzəriyyəsini yenidən nəzərdən keçirməsinə səbəb olacaq:

“Qərbin, xüsusən də ABŞ-ın sürətlə göstərə biləcəyi hərbi yardım Ukrayna qüvvələrinə cəbhə xəttində həlledici nailiyyətlər əldə etmək və Putini öz qələbə nəzəriyyəsini yenidən nəzərdən keçirməyə məcbur etmək üçün əsas olaraq qalır. Lakin ABŞ-ın Ukraynaya yardımını kəsməsi Rusiyaya cəbhə xəttində daha böyük üstünlüklər verə bilər. Bu, Putini müharibəni davam etdirməyə cəsarətləndirər. Belə bir nəticə isə ABŞ Prezidenti Donald Trampın Ukraynada davamlı sülhün təmin edilməsi məqsədinə ziddir”.