Ana səhifə Planet |
Müttəfiqlərin köməyi olmasaydı belə, SSRİ İkinci Dünya Müharibəsində qələbə qazana bilərdi.
Axar.az xəbər verir ki, bu nəticə Ümumrusiya İctimai Fikrin Tədqiqatı Mərkəzinin apardığı sorğudan sonra əldə olunub. Sorğu iştirakçılarının 50%-i müharibə zamanı SSRİ-nin əsas müttəfiqinin ABŞ olduğunu bildiriblər. Bundan sonrakı yerləri isə İngiltərə və Fransa tutub. Respondentlərin 95%-i faşizm üzərində qələbənin SSRİ-nin məhsulu olduğuna inanır. 67%-i isə SSRİ-nin öz müttəfiqlərinin köməyi olmasaydı belə Hitler üzərində qələbə qazana biləcəyini düşünür.
Qeyd edək ki, İkinci Dünya Müharibəsinə SSRİ qoşulan zaman həm iqtisadi, həm də hərbi nöqteyi-nəzərdən kifayət qədər bərbad vəziyyətdə olub. Müharibə dövründə Moskvaya ən böyük yardımı ABŞ edib. Məhz Vaşinqtonun dəstəyi sayəsində SSRİ-də sənayeləşmə tam başa çatıb. Üstəlik, ABŞ SSRİ-yə qarşılıqsız olaraq külli miqdarda hərbi yardım da edib. Vaşinqtonun Moskvaya ümumi yardımı 11,3 milyard dollar olub.
Tarix
2016.06.20 / 14:23
|
Müəllif
İlkin Həsənov
|