ABŞ Prezidenti Donald Tramp Ukraynanı daha zəif tərəf hesab edərək ona həddən artıq təzyiq göstərir və bu, tezliklə dəyişməyəcək.

Axar.az xəbər verir ki, bunu ABŞ-ın Ukrayna danışıqları üzrə keçmiş xüsusi nümayəndəsi Kurt Volker deyib.

O, Trampın Ukrayna və Rusiyadan təcavüzkar və qurban kimi deyil, bərabərhüquqlu rəqib kimi danışdığı bəyanatlarını tənqid edib:

"Düşünürəm ki, Tramp Putinin bu müharibəni bitirmək istəməməsindən məyus olub. O, bunu etməyin çox asan və təbii olacağını düşünürdü, amma bu baş vermir. Məncə, Tramp buna təəccüblənir, lakin o, hələ də Putini atəşkəsə razılaşmağa inandırmağa çalışır".