Pakistanın Baş nazirinin müavini, xarici işlər naziri Məhəmməd İshaq Dar İsrailin İrana qarşı hücumunu pisləyərək bunun regional sabitliyi və beynəlxalq təhlükəsizliyi ciddi şəkildə zəiflətdiyini bildirib.

Axar.az xəbər verir ki, o, bu barədə X hesabında yazıb.

Nazir vurğulayıb ki, bu addım İranın suverenliyinin açıq şəkildə pozulmasıdır:

“Bu hərəkət beynəlxalq hüququn əsaslarını, eləcə də bəşəriyyətin vicdanını sarsıdıb, həmçinin regional sabitliyi və beynəlxalq təhlükəsizliyi ciddi şəkildə zəiflədir”.

Qeyd edək ki, İsrail Hərbi Hava Qüvvələri iyunun 13-də səhər tezdən İranın nüvə və hərbi bazalarına zərbələr endirib. Zərbələr nəticəsində İranın Natanzdakı nüvə obyekti, Təbriz və digər şəhərlərdəki hərbi və raket bazaları vurulub, İran Silahlı Qüvvələrinin Baş Qərargah rəisi, general-leytenant Məhəmməd Bagiri, İslam İnqilabı Keşikçiləri Korpusunun komandiri Hüseyn Salami, SEPAH generalı Qulaməli Rəşid, o cümlədən tanınmış nüvə alimləri öldürülüb.