Ermənistanın xarici işlər naziri Ararat Mirzoyan iranlı həmkarı Abbas Arakçı arasında telefon danışığı baş tutub.

Axar.az xəbər verir ki, telefon danışığında Tehran və Təl-Əviv arasında baş verən son hadisələr müzakirə edilib və mövcud vəziyyətlə bağlı fikir mübadiləsi aparılıb.

“Ermənistanın ifadə etdiyi mövqeyə uyğun olaraq, biz regionda risklərin idarə edilməsinin və eskalasiyanın qarşısının alınmasının vacibliyini vurğuladıq. Biz Beynəlxalq Atom Enerjisi Agentliyi ilə bağlı müzakirələr də daxil olmaqla, sıx təmasda olmağa davam edirik”, - Mirzoyan telefon danışığı ilə bağlı X səhifəsində yaydığı məlumatda qeyd edib.

Xatırladaq ki, dünən Ermənistan Xarici İşlər Nazirliyi bəyanat yayaraq, İsrailin İrana hərbi hücumunu pisləyib və hərbi əməliyyatları dərhal dayandırmağa və beynəlxalq hüquq normalarına riayət etməyə çağırıb.