Cənubi Sudan əhalisinin üçdə biri yaxın bir neçə ay ərzində aclıqla üz-üzə qalacaq.

Axar.az xəbər verir ki, bu barədə informasiyanı BMT yayıb. Təşkilat ölkənin bir neçə hissəsində qida fəlakəti riskinin artdığını bildirib:

"İyul ayında qida yardımına 4,8 milyon nəfərin ehtiyacı olacaq. Apreldə onların sayı 4,3 milyon nəfər idi. Cənubi Sudan ölkədə vətəndaş müharibəsi başlayandan bu yana belə göstəricilərlə qarşılaşmayıb. Aclıq və hərbi fəaliyyətlər əhalinin buranı tərk etməsinə səbəb yaradır. Son beş ay ərzində 100 min insan qonşu ölkələrə qaçıb. İyunun sonunda onların sayı 150 min nəfər olacaq".