ABŞ Prezidenti Donald Tramp təfərrüatı açıqlamadan “Patriot” raketlərinin yeni çatdırılma mexanizmi çərçivəsində artıq Ukraynaya göndərildiyini bildirib.

Axar.az xəbər verir ki, bu barədə BBC məlumat yayıb.

“Onlar artıq göndərilib. Onlar Almaniyadan gəlir, sonra Almaniya onları əvəz edəcək. Bütün hallarda ABŞ-a tam ödəniş olunacaq. Beləliklə, nə baş verir: NATO bizə hər şeyi ödəyəcək. Bəzi hallarda bizə birbaşa Avropa Birliyi ölkələri tərəfindən ödəniş ediləcək”, - deyə Tramp bildirib.

Qeyd edək ki, 14 iyulda Ağ Evdə NATO Baş katibi Rutte ilə birgə mətbuata açıqlamasında Tramp Ukraynaya 17 “Patriot” və digər silahlar göndəriləcəyini, pulunun isə Avropa ölkələri tərəfindən ödəniləcəyini elan etmişdi.