Əslində Sokratın iki seçimi vardı: ya zərəhli baldıran otunu içərək ölmək, ya da sürgün olunmaq.

Kult.az xəbər verir ki, bu sözləri vəkil Aqil Layıc Louis Davidin “Sokratın ölümü” tablosu haqda fikirlərini bildirərkən yazıb. Sokratın məşhur məhkəməsinə toxunan vəkil bildirib ki, Sokrat sürgünə gedəcəyi zaman ictimaiyyəti aydınlatma fəaliyyətindən - fəlsəfi missionerliyindən məhrum olacaqdı və ona görə də ölümü seçdi:

“Məşhur fransız rəssamı Jakques Louis David 1787-ci ildə çəkdiyi “Sokratın ölümü” tablosu ilə Sokratın mühakiməsinin bütün çılpaqlığını ortaya qoyur. Şəkil hazırda ABŞ-da Metropolitan Sənət Muzeyində saxlanılır.

Həmin rəsmdə Sokratın dizinə əlini qoyan Platon, ayaq ucunda kədərlə oturan Kritondur. Bu tabloda qırmızı paltarlı və əlindəki baldıran zəhərini istəməyərək Sokrata uzadan isə onun tələbəsidir. Onlar Sokratın ölməməsi, alternativ cəzanı seçməsi üçün onu razı salmaq istəsələr də, bacarmadılar. Sokrat bilirdi ki, haqlıdır, missiyasından imtina etmək isə haqdan imtina etməkdir. Haqdan imtina etmək onu xaraktersizləşdirəcəkdi. Ölümü seçdi. Üstündən 2400 ildən çox vaxt keçib. Amma Sokrat ideyaları və dərin təfəkkürü yaşayır, mühakimə edənlər isə lənətlənir.

Dünyanın məşhur filosoflarından olan Kant Sokratı “ağlın idealı”, Hegel isə "insanlıq qəhrəmanı" adlandırmışdır”.