Əməkdar incəsənət xadimi, Azərbaycan Dövlət Mədəniyyət və İncəsənət Universitetinin professoru, Dünya Rəssamlıq Akademiyasının Bakı nümayəndəliyinin rəhbəri Arif Əzizin rəsm əsərləri Londonda keçirilən Moda Həftəsində nümayiş olunub.

Kult.az xəbər verir ki, rəssamın qeyri-adi və unikal yaradıcılıq üslubu gənc alman modelyeri Leoni Merqenin diqqətini çəkib və onun 2018 London Moda Həftəsində nümayiş etdirilmiş kolleksiyasında yer alıb.

Modelyerin “Arif Əziz Buraxılışı” adlı kolleksiyası 2017-ci ildə Berlin və London moda həftələrində nümayiş etdirilmiş və tənqidçilər tərəfindən bəyənilmiş “Qarabağ Kolleksiyası”ndan sonra ərsəyə gətirdiyi sayca ikinci layihəsidir.

Qeyd edək ki, hər iki layihə Avropa Azərbaycan Cəmiyyətinin (TEAS) təşkilatçılığı ilə həyata keçirilib.