Yüngül çəkidə UFC çempionu Həbib Nurməhəmmədovun Konor Makqreqor üzərində qələbəsini türkiyəli qraffiti-rəssam Məhəmməd Əmin Türkmən özünəməxsus şəkildə təbrik edib.

Kult.az xəbər verir ki, bu barədə idmançı İnstaqram hesabında paylaşım edib.

Rəssamın çəkdiyi divar rəsmində Nurməhəmmədovun Makqreqorla görüşdə qələbə qazanmasına səbəb olan boğucu fənd təsvir edilib. Türkmən döyüşdən əvvəl Makqreqorun lovğalığına işarə vuraraq rəsmin kənarında “Çox danışma” qeydinə yer verib.

Şəxsi hesabında Türkmənin əlişini paylaşan Həbib Nurməhəmmədov elə türk dilində də ona azarkeşlik edən qrafiti-rəssama təşəkkürünü bildirib.