Hayfa Universitetinin tarixçiləri İsrail ərazisində İsa peyğəmbərin qədim portretini aşkar ediblər.

Kult.az xəbər verir ki, aşkar edilən portretdə İsanın zahiri görünüşü müasir təqdimatlara uyğun deyil. Portret qədim Şivta şəhərində yerləşən yarıqırılmış tağın tavanında tapılıb. Tədqiqatçılar bu abidənin eramızın 350-ci ilində artıq mövcud olduğunu bildirirlər.

Portret hələ 1920-ci illərdə aşkar edilmişdi, ancaq təsvirin keyfiyyəti o qədər pis idi ki, uzun müddət diqqət cəlb etməmişdi.

“Mən orda lazımı vaxtda, lazımı yerdə və lazımı bucaq altında baxdığım üçün birdən gözləri görə bildim”, - İsanın porteretini aşkar edən tarixçi Emma Mayan-Fanar deyib.

Tədqiqatçılar müəyyən ediblər ki, onların qarşısında qıvrım saçları, uzun burnu və üzü ideal qırxılmış gənc kişi təsvir edilib.