Hobbi kimi meşə heykəltəraşlığı ilə də məşğulam.

Bu sözləri tanınmış aktyor Kamran Yunis hobbi kimi məşğul olduğu meşə heykəltəraşlığı sənəti haqda Axar.az-a danışarkən deyib:

"Mən aktyorluq sənətindən başqa hobbi kimi meşə heykəltəraşlığı ilə də məşğulam. Bu işin mahiyyəti meşənin yaratdığı gözəlliyi estetikləşdirmək, əslində, onun özündə olan nədirsə, üzə çıxartmaqdır. Ümumiyyətlə, mən təkcə ağacla yox, imkan olanda gillə də işləyirəm, keramika ilə də.

Düzü, dünyada bu sənətlə məşğul olanlar haqda məlumatım yoxdur, amma mən bunu, bizim gözəl aktyorumuz, əməkdar artist Vidadi Həsənovda görmüşdüm. Xoşuma gəlmişdi deyə, özüm də öyrənməyə başladım. Nəticə əla oldu. Bu işlə zövq aldığım üçün məşğul oluram, satışa çıxarıb pul qazanmaq fikrim yoxdur. Gərək elə müflisləşim ki, satış haqqında düşünüm. Hazırkı düşüncəm budur".

Aktyorun yaratdığı maraqlı nümunələrdən bir neçəsini təqdim edirik.