Fransanın Qras şəhərində yerləşən Fraqonard muzeyində qəribə hadisə baş verib.

Axar.az xarici mətbuata istinadən xəbər verir ki, muzeydə bir neçə qiymətli rəsm əsəri qələmlə cızılaraq məhv edilib. Rəssam Fraqonardın orijinal tablolarına deşiklər açılıb, bir tablosuna bığ çəkilib.

Fraqonarddan başqa XVIII əsrdə yaşayan rəssamlar Fançois Jerard və François Vinsentin də əsərlərinə zərər verilib.

Maraqlı burasıdır ki, milyonlarla avro dəyərində olan əsərlərin saxlanıldığı muzeydə təhlükəsizlik kameraları quraşdırılmayıb və polis hadisədən çox gec xəbər tutub. Əsərlərə ziyan vuran adamların ya ruhi xəstə, ya da təlim-tərbiyə görməmiş uşaqlar ola biləcəyi güman edilir.

Qeyd edək ki, baş verən bu hadisə Fransada böyük etirazla qarşılanıb.