İllər əvvəl yaradılmasına baxmayaraq, hər dəfə eyni hissləri yaşadan əsərlər var. Bunlar heykəltəraşlıq nümunələri və rəsm əsərləri də daxil olmaqla, incəsənətin hər sahəsinə aiddir.

Axar.az dünya tarixinə möhür vurmuş 10 əsəri təqdim edir:

"Pyeta" – Mikelancelo

İtaliyada olan bu heykəl İsa peyğəmbərin çarmıxdan endirildiyi anı canlandırmaq üçün hazırlanıb. Xristian inancına uyğun olaraq hazırlanan heykəl "Tanrının oğlunun cansız bədəni artıq anasının qollarında yatır" mənasını daşıyır.

"Mona Liza" – Leonardo Da Vinçi

Luvr muzeyində saxlanılan "Mona Liza" tablosunda oturan qadın əks olunub. Əsərin özəlliyi qadının bir üzü kədərli ikən, digər üzünün xoşbəxt görünməsidir. Rəsmdəki qadının kim olması isə hələ də sirr olaraq qalır.

"David" – Mikelancelo

Florensiyada qorunan Davud heykəli birinci Piazzo Siqnoriyaya yerləşdirilib. 1873-cü ildə zərərlərdən qorumaq üçün onu Florensiyadakı "Akademi" qalereyasına aparıblar.

"Sikstin kapellasının tavanı" – Mikelancelo

Romadakı Sikstin kapellasının tavanının dekorasiyasına bənzər yaradılmış bu əsər də nadir sənət nümunəsi hesab olunur.

"Ulduzlu gecə" – Vinsent Van Qoq

Bu əsərdə Van Qoq öz otağındakı pəncərədən Sen Remi de Provans kəndinin gecə vaxtı görünüşünü təsvir edib.

"Müqəddəs Terezanın ekstazı" – Bernini

Romada yerləşən bu heykəl də daim böyük maraq doğuran əsərlərdəndir.

"Nilufərlər" – Klod Mone

Parisdəki bu tablo Monenin "Bir nilufər neçə şəkildə əks olunur?" düşüncəsi ilə yaranıb.

"Aziz Matta İlham" – Karavacco

Rəssamın yağlı boya ilə çəkdiyi bu tablo özünün bir rəsm əsəri yaradarkən mələyin ona ilham verməsi haqdadır.

"İnci sırğalı qız" – Jan Vermer

Adından da göründüyü kimi, əsərin mövzusu qızın inci sırğasıdır.

"Yəhudi gəlin" - Rembrandt

Əsərdə yəhudi atanın qızının toyunda ona boyunbağı hədiyyə etməsi təsvir olunub.