Bu gün saat 19:00-da YARAT Müasir İncəsənət Mərkəzində hind rəssam, yazıçı və filosof Avtarcit Dancalla görüş keçiriləcək.

Axar.az xəbər verir ki, Avtarcit Dancal açıq söhbət zamanı Qərb ənənəsi ilə işləməyən sənətkarların Qərb incəsənət aləmində yer tutmağa, uğur qazanmağa necə nail ola bilmələri haqda öz düşüncələrini bölüşəcək.

YARAT Müasir İncəsənət Mərkəzində keçiriləcək tədbirə giriş pulsuzdur.

Qeyd edək ki, Avtarcit Dancal Hindistanın Pəncab vilayətində anadan olub. 1997-ci ildə Beynəlxalq Təsviri Sənət İnstitutunda onun heykəltəraşlıq sahəsində fəaliyyətinin 25 illiyi təntənəli surətdə qeyd olunub və həmin tədbirlər çərçivəsində Londonda əsərlərindən ibarət böyük sərgi açılıb, yaradıcılıq yoluna həsr olunmuş kitab nəşr edilib.