Makaron qablaşdırmaları qida qruplarına görə etiketlənir. Ona görə qutunu analiz etməklə yaxşı makaronu seçmək olar.

Axar.az Medicina.az-a istinadən xəbər verir ki, diyetoloq Yekaterina Korsevanın sözlərinə görə, ən sağlam növ durum buğdasından hazırlanmış A qrup makarondur.

Karbohidrat hesab edilən makaron çəkini artırırş Bununla belə, mütəxəssis sağlam makaronun bədəni yavaş həzm olunan karbohidratlarla təmin etdiyini və uzun müddət toxluq verdiyini qeyd edib. Bu, lazımsız qəlyanaltıların və həddindən artıq yeməyin qarşısını alır.

Diyetoloq mağazadan alınan makaron növlərinin hansılarının daha sağlam olduğunu izah edib. Mütəxəssisin sözlərinə görə, alarkən A, B və ya C qrupuna diqqət yetirməlisiniz:

"A qrupuna durum buğdasından hazırlanmış makaron daxildir. Bu, ən sağlam seçimdir. Bu makaron növü daha az kalorili, vitamin və liflə zəngindir və daha yüksək protein tərkibinə malikdir”.

Korseva əlavə edib ki, bu növ makaron hətta çəkisini ciddi şəkildə izləyən və ya orta dərəcədə olsa da, arıqlamağa çalışanlar üçün də icazə verilir.

B qrupu makaron yumşaq, nişastalı şüşəvari buğdadan hazırlanır və bütün makaron məhsulları arasında ən kalorilidir. Bu makaron idmançılar, yorğun olanlar və ya uzun müddətli məşqdən və ya xəstəlikdən sonra sağalan insanlar üçün uyğundur.

B qrupu makaronu pəhrizdə arzuolunmazdır. Bu növ makaron faydalı qida maddələri baxımından olduqca aşağıdır və çəki artımı və diabet riski ilə əlaqələndirilir.