Çobanyastığı çayı antioksidant, antimikrob və iltihab əleyhinə xüsusiyyətlərə malikdir və təhlükəli xəstəliklərin inkişaf riskini azaltmağa kömək edir. Fərdi əks göstərişlər olmadığı təqdirdə, çobanyastığı çayı kofeinlə zəngin olan yaşıl və ya qara çay kimi içkilərə alternativ ola bilər. Çobanyastığı çayı bu stimullaşdırıcıdan azaddır və axşam təhlükəsiz şəkildə içmək olar.

Axar.az Medicina.az-a istinadən xəbər verir ki, bu bitki bədənə rahatlaşdırıcı təsir göstərir və antioksidanları sayəsində ürək xəstəliyi və xərçəng də daxil olmaqla, bir sıra təhlükəli xəstəliklərin inkişaf riskini azaltmağa kömək edir.

Mütəxəssislər çobanyastığı çayının tərkibində bədxassəli hüceyrələrin fəaliyyətini maneə törədən apigenin adlı bir birləşmə olduğunu aşkar ediblər.

Bundan əlavə, içki qan şəkərinin nəzarətini yaxşılaşdırır və toxumaların oksidləşdirici stressə qarşı müqavimətini gücləndirir ki, bu da diabet, xərçəng və ürək xəstəlikləri də daxil olmaqla, bir çox təhlükəli vəziyyətin inkişafı ilə əlaqələndirilir.

ABŞ-da çobanyastığı çayının xüsusiyyətləri ilə bağlı aparılan bir araşdırma onun istehlakının 65 yaşdan yuxarı qadınlarda hər hansı bir səbəbdən ölüm riskinin azalması ilə əlaqəli olduğunu aşkar edib.