Bəzi şorbalar sağlamlığa zərərli ola bilər.

Axar.az Medicina.az-a istinadən xəbər verir ki, diyetoloq Sofiya Kovanova bu barədə xəbərdarlıq edib.

O qeyd edib ki, zəngin ət, yağlı bulyonlara əsaslanan şorbalar hipertoniya və bir sıra digər xəstəlikləri olan insanların sağlamlığına zərərli ola bilər.

Mütəxəssisin sözlərinə görə, solyanka, yağlı xarço və zəngin ət bulyonları mədə-bağırsaq xəstəlikləri, hipertoniya, podaqra və ödemə meylli xəstələr üçün kontrendikedir. Yüksək miqdarda duz və doymuş yağlı qaymaqlı şorbalar da bu cür sağlamlıq problemləri olan insanların vəziyyətini pisləşdirə bilər.

Lakin o, əlavə edib ki, zülal və liflə zəngin olan tərəvəz və digər az yağlı bulyonlarla hazırlanmış yüngül şorbalar əksər insanlar üçün faydalıdır.