Maksimum ürək tutması riskinin yaşı açıqlanıb.

Axar.az Medicina.az-a istinadən xəbər verir ki, bu barədə tibb elmləri doktoru və kardioloqu Gülya Şaripova ürək tutması və insult riskinin ən yüksək olduğu yaş barədə danışıb.

Şaripovanın sözlərinə görə, ürək tutması riski 60-65 yaşdan yuxarı insanlarda ən yüksəkdir.

O qeyd edib ki, bu yaş qrupunda ürək-damar xəstəlikləri xəstəxanaya yerləşdirmə və ölümün əsas səbəbidir:

“Avropa qaydaları 70 yaş və yuxarı xəstələr üçün ayrıca şkala müəyyən edir ki, hətta eyni risk faktorları olsa belə, təkcə yaşın ürək-damar xəstəliklərinin ehtimalını əhəmiyyətli dərəcədə artırması faktını əks etdirsin".

Eyni zamanda, həkim vurğulayıb ki, gənc insanlar da risk altındadır. O izah edib ki, bu yaş qrupunda siqaret çəkənlər, eləcə də diabet və ağır hipertoniya xəstələri arasında infarkt və ya insult riski daha yüksəkdir.