Çiyələk mövsümünün başlaması ilə süfrələrimizə təzə və ləzzətli meyvələr gətirmək istəyənlər üçün vacib bir xəbərdarlıq edilib. Mütəxəssislər bildirirlər ki, çiyələklər düzgün təmizlənməsə, dadını itirə bilər və xarab olma riski artır.

Axar.az Medicina.az-a istinadən xəbər verir ki, çiyələklərin təravətini və dadını qorumaq istəyənlər üçün mütəxəssislərdən vacib təmizlik tövsiyələri gəlb.

Qeyd olunub ki, meyvələr düzgün yuyulmasa, tez xarab ola və dadını itirə bilər.

Mütəxəssislər həmçinin çiyələkləri istehlakdan dərhal əvvəl yumağı məsləhət görürlər. Əvvəlcədən yuyulmuş çiyələklər daha tez yumşalır.

Çiyələklərin təmizlənməsi və ömrünü uzatmağın sirri budur:

Çiyələkləri yuyarkən sirkədən istifadə etmək həm bakteriyaları aradan qaldırmaq, həm də meyvənin ömrünü uzatmaq üçün təsirli bir üsuldur.

Sadəcə bir qaba su doldurun, bir az alma və ya üzüm sirkəsi əlavə edin. Çiyələkləri bu sirkə məhlulunda təxminən 5-10 dəqiqə islatdıqdan sonra bol su ilə yaxalamaq lazımdır.

Qurutma təmizləmək qədər vacibdir. Yuyulmuş çiyələklər kağız dəsmalların üzərinə tək qat şəklində qoyulmalı və bir-birinin üstünə yığılmamalıdır. Bu, artıq nəmi udur və meyvələrin daha uzun müddət təravətli qalmasına kömək edir.