Müəyyən içkilər 40 yaşdan yuxarı qadınların sağlamlığına və görünüşünə mənfi təsir göstərir.

Axar.az Medicina.az-a istinadən xəbər verir ki, 40 yaşdan sonra qadınların bədənlərində hormonal dəyişikliklər başlayır, bu da görünüşə və çəkiyə təsir göstərir.

Bildirilir ki, bu yaşda pəhrizinizi diqqətlə izləmək, qidalarınızın və içkilərinizin tərkibindəki maddələri nəzərə almaq vacibdir. Mütəxəssislər 40 yaşlı qadınlara bol miqdarda təmiz su içməyi, qazlı və qəhvə kimi içkilərin istehlakını minimuma endirməyi məsləhət görürlər.

Dermatoloq Nadir Kazi qeyd edib ki, qəhvə dəri vəziyyətinə mənfi təsir göstərə, vaxtından əvvəl qocalmaya səbəb ola bilər:

"Qəhvə dərini susuzlaşdıran toksinlərlə dolu olan ən turş və susuzlaşdırıcı içkilərdən biridir. Kofein çox ehtiyac duyulan enerjini təmin edə bilər, lakin onun daimi qəbulu dərinin elastikliyini itirir və təbii parlaqlığını azaldır”.

Mütəxəssis qəhvədən imtina etmək istəməyən qadınlara miqdarı izləməyi, su ilə və əlavə dadlandırıcılar və ya krem olmadan "təmiz" içməyi tövsiyə edib. Həkimin sözlərinə görə, 40 yaşdan yuxarı qadınlar səhərlər "gənclik içkisi" adlandırdığı qəhvə əvəzinə yaşıl çay içmək vərdişini mənimsəməlidir.

"Yaşıl çay dərinin iltihabının, qızartısının və şişməsinin qarşısını alan antioksidantlar ehtiva edir. O, dərini zəngin antioksidanlarla qidalandırmaqla yanaşı, həm də kollagen istehsalını stimullaşdırır", - deyə ekspert izah edib.

Qazlı içkiyə gəldikdə isə onun kimyəvi tərkib hissələri qadınların sağlamlığının və cəlbediciliyinin qorunmasında əsas rol oynayan eyni mineralları aktiv şəkildə sızdırır.