Bir çox insan səhər yeməyinə çörək, dənli məhsullar və portağal şirəsi ilə başlayır. Lakin mütəxəssislər bildirirlər ki, bu qidalar bəzi hallarda sağlam göründüyü qədər faydalı olmaya bilər.

Axar.az Medicina.az-a istinadən xəbər verir ki, bəzi çörəklərdə, şirin içkilərdə duz və şəkər miqdarı yüksək olur. Artıq duz bədəndə su saxlayaraq qan təzyiqinin yüksəlməsinə səbəb ola bilər.

Hazır dənli məhsulların əvəzinə yulaf, meyvə, toxum və çərəzlərə üstünlük vermək tövsiyə olunur. Şirə yerinə isə bütöv meyvə yemək daha faydalı hesab edilir.

Mütəxəssislər xüsusilə yüksək təzyiq problemi olan insanlara səhər yeməyində duzlu və şəkərli məhsulları azaltmağı məsləhət görürlər.