Yuxarı

Axar.Az Logo

AZ RU EN آذ فا
Trampdan Rusiya ilə bağlı gözlənilməz açıqlama...
Pezeşkian Tehranın mərkəzində velisoped sürdü - Video
İsrail Hizbullahın sement zavoduna güclü zərbə endirdi

Əsgəri öldürən həkim həbs olundu

Ana səhifə Sağlıq
12 Punto 14 Punto 16 Punto 18 Punto
Əsgəri öldürən həkim həbs olundu

Birinci məhkəmə instansiyasının onun barəsində tətbiq etdiyi şərti cəza ləğv olunub

Bakı Apellyasiya Məhkəməsində Azərbaycan Silahlı Qüvvələri Baş Klinik Hospitalının həkimi, tibb xidməti polkovnik-leytenantı Vasif Adıgözəlovun cinayət işi üzrə məhkəmə prosesi başa çatıb. "APA"nın məlumatına görə, prosesdə qərar elan olunub. Qərara əsasən, hökm dəyişdirilib. Cinayət Məcəlləsinin 70-ci maddəsinin tətbiqi hökmdən xaric edilib. V.Adıgözəlov məhkəmə zalında həbs edilib.
Qeyd edək ki, 2011-ci il sentyabrın 29-da vəfat edən əsgər Eldar Novruzovun valideynləri KİV-ə açıqlamalarında övladlarına həkim Vasif Adıgözəlov tərəfindən səhv diaqnoz qoyulduğu üçün vəfat etdiyini bildirmişdilər. Bundan sonra Respublika Hərbi Prokurorluğunda əsgərin ölümü ilə bağlı araşdırmalara başlanılıb. Lakin V.Adıgözəlov həmin ittihamları qəbul etməyib.
V.Adıgözəlov Bakı Hərbi Məhkəməsinin hökmü ilə 3 il 6 ay müddətinə azadlıqdan məhrum edilib. Cinayət Məcəlləsinin 70-ci maddəsi (cəzanın şərti hesab olunması) tətbiq olunmaqla, ona verilmiş cəza şərti hesab olunub. Bundan başqa, məhkəmə onun 500 manat məbləğində cərimə olunması barədə də qərar qəbul edib. Hökmdən narazı qalan Eldar Novruzovun ailəsi apellyasiya şikayəti verərək, V. Adıgözəlovun cəzasının ağırlaşdırılmasını istəyiblər.
Sumqayıt Hərbi Komissarlığından hərbi xidmətə çağırılan 1992-ci il təvəllüdlü Eldar Novruzov Mingəçevirdə "N" saylı hərbi hissədə xidmət edib. Burnunda aparılan əməliyyatdan sonra vəziyyəti ağırlaşan E. Novruzov sentyabrın 29-da Gülhanə Tibb Akademiyasına aparılarkən yolda dünyasını dəyişib.
V.Adıgözəlov Cinayət Məcəlləsinin 313-cü (vəzifə saxtakarlığı), 341.1-ci (rəisin və ya vəzifəli şəxsin hakimiyyətdən və ya öz qulluq mövqeyindən sui-istifadə etməsi) və 342.2-ci (qulluğa səhlənkar yanaşma) maddələri ilə ittiham edilib.
Tarix
2013.11.06 / 11:42
Müəllif
Axar.az
Share
Digər xəbərlər

Prezidentdən Füzuli ilə bağlı paylaşım - Video

Gəncədə törədilən növbəti terrordan beş il ötür

Putin və Şara nələri müzakirə edib? - Kremldən açıqlama

Mehdiyev dedi ki, Bakıda bir tualetim də yoxdur - Video

Mehdiyevin çevriliş cəhdində İmişli detalı - İlginc

Putin Düşənbədə Əliyevə Ramiz Mehdiyev haqda nələr deyib?

Fransa ilə anlaşılmazlığa səbəb olan məsələlər... - Prezident

İlham Əliyev Fransanın yeni səfirini qəbul etdi

Ramiz Mehdiyevin dövlət çevrilişi planını Rusiya ifşa edib - Şok

Tramp istəyir: Azərbaycan ordu göndərəcəkmi?

KULT
<>
Xəbər xətti
SORĞU
  
  
  
İstifadə qaydaları Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

Bizimlə əlaqə Bakı şəhəri, Binəqədi rayonu, S.S.Axundov küçəsi 31/23
(+994 12) 464-61-74, 464-61-75, 464-61-76
[email protected]
Reklam üçün: [email protected]

www.axar.az - 2025
Axar.az'da reklam Bağla
Reklam
Bize yazin Bağla