İordaniya, Birləşmiş Ərəb Əmirliyi, Fransa, Almaniya, İtaliya, Tunis, Misir, Böyük Britaniya və ABŞ-dan sonra Səudiyyə Ərəbistanında da "Yaxın Şərq virusu"nun yeni qurbanlarının olduğunu üzə çıxıb.

Hazırda Səudiyyə Ərəbistanında bu virusa 688 adamın yoluxduğu barədə AzərTAC xəbər yayıb. Səudiyyə Ərəbistanının Səhiyyə naziri Tarik Əhməd Mədəni bildirib ki, statistika qorxutmamalıdır, çünki virusla kontaktda olan insanların sayı durmadan azalır.

Virusun doğurduğu xəstəliyin əlamətləri adi soyuqdəyməyə oxşayır. Lakin sonra patogen böyrəkləri sıradan çıxarır və sətəlcəm yaradır.

Alimlər hesab edirlər ki, virusun əsas mənbəyi dəvələrdir.

Hazırda dünyada 282 adam bu virusdan dünyasını dəyişib.

Bu virusla bağlı Azərbaycanda hər hansı təhlükənin olmadığı bildirilir. İndiyə qədər Yaxın Şərq virusuna yoluxma halı ölkəmizdə qeydə alınmayıb.