Azərbaycanda peşəsinin həqiqi mənada haqqını verən həkimlər az da olsa, var. Lakin bu həkimlər getdikcə əlçatmaz olur; ərzaq, geyim və digər sahələrdə olduğu kimi həkim qəbulu qiymətləri də artır.

Məşhurlaşan, insanların rəğbətini qazanan həkimlərin qəbulu isə bu artım tendensiyasında daha qabarıq görünür. Belə ki, ötən il qəbulu 50-60 manata olan həkimlər bu il 80-90-100 manata, 80 manata olanlar isə 120 və daha yuxarı qiymətlər elan edib.

Axar.az Medicina.az-a istinadla əsasən özəl klinikalarda çalışan, qəbulu 100-150 manatı keçən həkimlərin ilkin siyahısını təqdim edir:

1. Azər Fərəc – 112-177 AZN

Fetal ulstrasonoqrafiya üzrə Azərbaycanın 1 nömrəli peşəkar mütəxəssisdir. Özəl klinikada çalışır, bu məbləğə hamilənin 2 dəfə dopleri daxildir. Məbləğ birinci qəbulda ödənilir.

2. Zakir Əliyev – 150 AZN

Azərbaycan Tibb Universitetinin nevrologiya kafedrasının professoru. Həm dövlət, həm özəl klinikada çalışır. Uşaq nevroloji xəstəlikləri üzrə bir nömrəli həkim hesab edilir

3. Uzman psixiatr İkram Rüstəmov – 120 AZN

Daha çox uşaqlarda autizm diaqnozunun təsdiqlənməsi üçün valideynlərin seçimi olur. Özəl klinikada çalışır.

4. Dermatoloq Leyla Mirzoyeva - 100 AZN

5. Mama-ginekoloq Aytən Səfərova - 100 AZN

6. Psixoloq Babək Bayramov - 100 AZN

7. Ginekoloq-cərrah Turab Canbaxışov - 95 AZN

8. Pediatr Erkin Rəhimov – 90 AZN

9. Ginekoloq Natiq Məhərrəmov – 90 AZN

Siyahı sosial sorğu, pasiyent rəyləri və eləcə də klinikalara birbaşa zənglərlə dəqiqləşdirilib.