Axar.az
Yuxarı

Rüşvətdə ittiham edilən həkim araşdırılır – Rəsmi

Ana səhifə Sağlıq
12 Punto 14 Punto 16 Punto 18 Punto

Səhiyyə Nazirliyi mətbuatda adı dəfələrlə qalmaqallarda hallanan Ucar Mərkəzi Rayon Xəstəxanasının cərrahı Cavanşir Qədirovla bağlı araşdırmaya başlayıb.

Bu barədə Axar.az-a Səhiyyə Nazirliyinin mətbuat xidmətinin rəhbəri Anar Qədirli açıqlamasında bildirib. Nazirlik sözçüsü əlavə edib ki, mətbuatda cərrahla bağlı dəfələrlə şikayət xarakterli yazılar dərc edilməsinə baxmayaraq, hələ ki, nazirliyə müraciət edən olmayıb:

"Əgər bu həkimlə bağlı bu qədər şikayət varsa, bəs niyə nazirliyə müraciət etmir həmin şəxslər? Mətbuata bildirməkdənsə, şikayətçi olan neçə nəfər varsa, hamısı nazirliyə müraciət etsin. Bu, həmin həkimə qarşı şantaj, əvvəlcədən hazırlanmış kampaniya da ola bilər ki, onu mətbuat vasitəsilə gözdən salırlar. Çox qəribədir ki, bütün rayonun narazı olduğu həkimlə bağlı nazirliyə bir dəfə də müraciət olunmayıb. Belə müraciət daxil olsa, nazirlik dərhal araşdırma başladar".

A.Qədirli əlavə edib ki, mətbuatda C.Qədirovla bağlı dəfələrlə şikayət məktubları işıqlandırıldığı üçün nazirlik artıq araşdırmaya başlayıb:

"Mən artıq rayon rəhbərliyi ilə bununla əlaqədar danışmışam. Baş həkimə də müraciət edib bildirmişəm. Artıq araşdırma da aparılır. Ancaq hələlik heç bir fakt qeydə alınmayıb. Araşdırmanın nəticəsi barədə ictimaiyyətə məlumat veriləcək".

Xatırladaq ki, cərrah Cavanşir Qədirovla bağlı mətbuatda dəfələrlə rüşvət alması ilə bağlı qalmaqallı şikayət məktubları işıqlandırılıb. Bu barədə təkcə Axar.az-a son bir ayda iki şikayət məktubu daxil olub ki, onların da hər biri cərrahın qeysəriyyə əməliyyatından sonra xəstənin qohumlarından rüşvət tələb etməsi ilə bağlıdır. Ucar rayon sakini Purqafari Azər Ələsgər oğlu şikayətində həkimin onlardan 400 manat pul tələb etdiyini, pulu vermədikləri üçünsə xəstəxanada onları yüksək səslə söyüb təhqir etdiyini bildirmişdi.

Həmçinin, cərrah ötən ilin dekabrın 25-də də qeysəriyyə əməliyyatı ilə uşaq dünyaya gətirmiş ananı onlardan tələb etdiyi iddia edilən 400 manatı verə bilmədikləri üçün evə buraxmırdı. Bundan başqa, 2014-cü ilin aprel ayında sözügedən xəstəxanada xəstədən pul tələb edən C.Qədirovun əməliyyat etdiyi 19 yaşlı qadın uşaq dünyaya gətirdikdən sonra ölmüşdü. Həkim qadının təbii doğuşla azad ola bilməyəcəyini deyərək, qeysəriyyə əməliyyatını məsləhət bilmişdi. Ölüm faktı ilə bağlı xəstəxanadan bildirmişdilər ki, ananın vəziyyəti qeysəriyyə əməliyyatından sonra yaxşı olub. Lakin əməliyyatdan sonra o, ayağa durmaq istəyəndə yıxılaraq başını möhkəm əzib, komaya düşüb və komadan ayılmayıb.

Yeri gəlmişkən, onu da qeyd edək ki, bu günlərdə cərrahla bağlı Axar.az-a göndərilən növbəti şikayət məktubunda onun içki düşkünü olduğu qeyd edilib. Mənbə həmçinin bildirib ki, cərrah hətta bütün əməliyyatlara da içkili vəziyyətdə girir:

"Bütün ucarlılar bilir ki, Cavanşir Qədirov aşırı alkoqol qəbul edən biridir. Pasiyentləri də bunun şahididir. Həmçinin çox kobud və söyüşcüldür. Dəfələrlə xəstəxanada içkili vəziyyətdə yüksək səslə kimisə təhqir edib".

Tarix
2015.02.07 / 20:23
Müəllif
Nigar İxtiyarqızı
Şərhlər
Digər xəbərlər

Bu qidalara diqqət: əsas komponentlərdən biri...

Ölkəmizdə koronaya yoluxma və ölüm sayı artdı

Ağır xəstələrin sayı artacaq - Baş infeksionist

Evdə koronalı xəstələrə bu dərman verilmir - Foto

İran peyvəndin insanlar üzərində sınağına başlayır

Daha bir hospital pandemiya xəstəxanası oldu

Həkimə ilk gündən müraciət edin! - Baş infeksionist

Ölkəmizdə koronadan ölənlərin sayı artır - Son rəqəmlər

Evdə müalicə alan korona xəstələrinin sayı açıqlandı

Süni tənəffüs aparatına qoşulanların sayı çoxdur

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla